അഭയാ കേസ് ഒരു തലതിരിഞ്ഞ താലി

അഭയ കേസ് ഒരു അന്തവുമില്ലാതെ തുടരുകയാണ്

സാക്ഷികളെ നർക്കോ പരിശോധനക്ക് 

വിധേയരാക്കേണ്ടതില്ലെന്നുള്ള സുപ്രീം കോടതി വിധി

കുറ്റം ചെയ്തവർക്ക് അശ്വാസം പകരുന്നു.

നീതി ന്യായ കോടതികളിൽ സത്യമല്ലല്ലൊ തീർപ്പാക്കുന്നത്

ഇനി സി ബി ഐ ക്ക് ഡിവിഷൻ ബെഞ്ചും

വേണമെങ്കിൽ ഭരണഘടനാ ബഞ്ചും ബാക്കിയുണ്ട് .

ഒരു സ്ത്രീ സ്വന്തം വീട്ടിൽ വെച്ച് വീട്ടുകാരാൽ കൊല്ലപ്പെട്ടതിന്

തുല്യമായ ഒരു അവസ്ഥയാണ് അഭയാ കേസിൽ ഉള്ളത് . 

ബലിയാട്

കുറ്റവാളികൾ ആരെന്നറിയുവാൻ അങ്ങ് ദില്ലിയിൽ വരെ

സി ബി ഐക്ക് പോകേണ്ടി വരുന്നു .

കുറ്റ കൃത്യം ചെയ്തവർക്കുള്ള രാഷ്ട്രീയ സാമ്പത്തിക

സാമുദായിക പിൻബലം ഇതിൽ നിന്ന് വ്യക്തമാണ് .

മദർ തെരേസ ഒരിക്കൽ തനിക്കുണ്ടായ വിശ്വാസ

തകർച്ചയേപ്പറ്റി പറയുകയുണ്ടായി .

താൻ സ്വയം വരിച്ച ഈ മേലങ്കി സമ്പന്നരിൽ

സമ്പന്നരായവരുടെ മക്കളെ പഠിപ്പിക്കുവാനുള്ള

സ്ഥാപനത്തിന്റെ പ്രിൻസിപ്പൽ പദവിക്ക് വേണ്ടിയുള്ളതല്ലെന്നും

തന്റെ ദൗത്യം മറ്റൊന്നാണെന്നു തിരിച്ചറിയുവാൻ

ആ മഹതിക്കായതിനാലാണ് ഇന്ന് അവരെ ജനം വാഴ്ത്തുന്നത് .

ഇതൊരു വിശ്വാസ പ്രശ്നമാണ് .

ഇവിടെ അഭയാ കേസിൽ ഇതൊന്നും ബാധകമല്ലേ

കത്തോലിക്ക സഭ ആരുടെ കൂടെയാണ് നിലയുറപ്പിക്കേണ്ടത് ?

ലൈംഗീക ചോദന എല്ലാ ജീവജാലങ്ങൾക്കും ഉള്ളതാണ്

വംശ വർധനവിനത് ആവശ്യവുമാണ് .

ഒരു അനുഭൂതിയുടെ തലത്തിൽ അത് നന്നായി

ആസ്വദിക്കാൻ കഴിവുള്ള  ജീവ വർഗ്ഗം മനുഷ്യനാണ്

ഇത്  ത്യജിച്ച് സ്വയം പീഠനത്തിന്റെ വഴി തിരഞ്ഞെടുത്തവരാണ്

കത്തോലിക്കാ സഭയിലെ കന്യാസ്ത്രീകളും പാതിരിമാരും

" രക്ഷിക്കപെട്ടവർ "

പാകത വരാത്ത പ്രായത്തിൽ  എടുത്ത ഒരു തീരുമാനമായിരുന്നു

അതെന്ന് പിന്നീടെപ്പോഴെങ്കിലും ചിന്തിക്കാത്ത

ഒരാളെങ്കിലും അക്കൂട്ടത്തിലുണ്ടാകണമെന്നില്ല .

അതിനെ മറികടക്കാൻ വല്ലാതെ പാടുപെടുന്നവരും

ഇട വഴിയിൽ വീണ് പരാജയപ്പെട്ടവരുമുണ്ടാകാം

“22 ഫീമെയിൽ കോട്ടയ”ത്തിലെ

“ഡബിൾ ലെയർ സ്റ്റിച്ചിങ്ങ്” ഉണ്ടായാലും

നിയന്ത്രിക്കാകുന്നതല്ലല്ലൊ ഈ വൈകാരിക തലം.

സ്റ്റിച്ച് പൊട്ടിയ ഒരു ദുർബ്ബല നിമിഷത്തിൽ പെട്ട

കുറച്ചുപേരുടെ ഇടയിലേക്ക് ദാഹ ജലത്തിനായി

ഇറങ്ങിച്ചെന്ന് കൊല്ലപ്പെടേണ്ടി വന്ന

ഒരു പെൺകുട്ടിയുടെ കഥയെന്നാണ്

സിസ്റ്റർ അഭയ കേസ്  വിലയിരുത്തപെടുന്നത്.

സിസ്റ്റർ ഷെർളി, അച്ചാമ്മത്രേസ്യാമ്മമാർക്ക്  

ഒന്നും ഒളിപ്പിക്കാൻ ഇല്ലെങ്കിൽ പിന്നെ  എന്തിനാണ്

നർക്കോ വിശകലനം, ബ്രെയിൻ മാപ്പിങ്ങ് എന്നീ പരിശോധനാ

രീതികളോട് വിയോജിപ്പ് പ്രകടിപ്പിക്കുന്നത് .

“കേൾക്കുന്ന ചെവിയും കാണുന്ന കണ്ണും

പറയുന്ന നാവും  യഹോവ ഉണ്ടാക്കിയതാണെന്ന്

വിശ്വസിക്കുന്നവർക്ക് “ നർക്കോ ശങ്ക വേണ്ടതില്ല .

സത്യം പറഞ്ഞു പോയെങ്കിലോ എന്ന  ഭയമാണൊ ഹേതു?

താനോ തനിക്ക് വേണ്ടപ്പെട്ടവരോ ഇതിൽ കുറ്റക്കാരല്ലെങ്കിൽ

ആരെ അഥവാ എന്തിനെ ഭയക്കണം ?.

കഴുത്തിൽ തൂങ്ങിയാടുന്ന കുരിശിന്റെ മഹത്വം

”തല തിരിഞ്ഞ താലി” പോലെ അശ്ലീലമാകരുത്

100 കൊല്ലം കഴിഞ്ഞ് സിസ്റ്റർ അഭയയെ

“വാഴ്ത്തപ്പെട്ട അഭയാമ്മ”യായി പ്രഖ്യാപിച്ച്

മാപ്പ് പറഞ്ഞാൽ തീരുന്നതല്ല ഈ കുറ്റകൃത്യമെന്ന്

സഭയും മക്കളും അറിയുന്നത് നന്ന്

                                                  വിശ്വാസ കാണിക്കയിൽ നിന്ന് ഇതിനായി ഇനിയും

നിഴലിലായ കുരിശ്

പണം ചിലവഴിക്കുന്നത് ശരിയോ എന്ന്

സഭയും സഭാമക്കളും തീരുമാനിക്കണം

ആർക്കെങ്കിലും തെറ്റു പറ്റിയിട്ടുണ്ടെങ്കിൽ തുറന്ന് പറഞ്ഞ്

തെറ്റ് തിരുത്തുവാൻ സഭ മാതൃക കാണിക്കണം

ഭൂമി ഉരുണ്ടതാണെന്ന് പറയാനെടുത്ത കാല വിളംബം ഇതിനാവശ്യമില്ല.

അല്ലെങ്കിൽ ഇനിയും നന്മ നഷ്ടപ്പെടാത്ത

(തിരു  വസ്ത്രം ധരിക്കുന്ന) കുറച്ചുപേരെങ്കിലുമുണ്ടാവുമല്ലൊ

അവരേക്കൂടി സംശയത്തിന്റെ നിഴലിൽ നിറുത്തുന്നതിനു

തുല്ല്യമായ പ്രവർത്തിയായിരിക്കും ഇപ്പോൾ നടത്തുന്നത്

പാലിന് , നീലം മുക്കിയ ളോഹയേപ്പേലെ, നല്ല വെണ്മയുണ്ടെങ്കിലും

അത് കേടായാൽ ഇത്രയ്ക്കും വൃത്തികെട്ട

വേറൊന്നില്ലെന്നും ഓർമ്മിക്കുന്നത് നന്നായിരിക്കും .

അല്ലെങ്കിൽ കാലം നിങ്ങളെ കുറ്റക്കാരെന്ന് വിധിക്കും

ആത്മീയതയും ഭൗതീകതയും

കഴിഞ്ഞ ദിവസം ഒരു വിവാഹത്തിനായി എറണാകുളം ജില്ലയിലെ 

പുരാതനമായ ഒരു യാക്കോബായ  പള്ളിയിൽ പോയി. 

മെത്രാൻ നേരിട്ട് പങ്കെടുത്ത വിവാഹ ചടങ്ങാണ് നടന്നത്. 

ആവർത്തന  വിരസമായ ഈ ചടങ്ങുകളിൽ 

താൽപ്പര്യമില്ലാത്തത് കൊണ്ട് പള്ളി പരിസരത്ത് കറങ്ങി നടന്നു. 

അവസാനം സെമിത്തേരിയിലും എത്തി . 

എല്ലാവരും അവസാനമായിട്ടെത്തുന്ന ഇടമാണല്ലൊ. 

ഒരുപാട് സ്വപ്നങ്ങളുടെ ശവപ്പറമ്പിലേക്കുള്ള വാതിൽ സഭാതർക്കം 

കാരണം അടയ്ക്കപ്പെട്ടിട്ട് ഒത്തിരി നാളുകളായെന്ന് സുഹൃത്ത് പറഞ്ഞു. 

നസ്രാണിയെ സംബന്ധിച്ച് മരണം ഒരിക്കലും ദുഖത്തിന്റെ അവസ്ഥയല്ല. 

അത് സ്വർഗീയ വ്യാപരത്തിലേക്കള്ള ചവിട്ടു പടിയാണ്. 

നിത്യതയിലേക്കുള്ള വഴിയിലെ കവാടം 
സഭാ തർക്കം  കാരണം അടയ്ക്കപ്പെട്ടു കിടക്കുകയാണ്

സമ്പത്തും അധികാരവും ഉള്ളിടത്തോളം കാലം 

ഇത്തരം തർക്കങ്ങൾ അവസാനിക്കാൻ വഴിയില്ല. 
കർത്താവിൽ നിദ്ര പ്രാപിച്ചവരുടെ കാര്യം വലിയകഷ്ടം തന്നെ

സ്വർഗ്ഗമാണല്ലൊ സമ്പത്തിന്റെ ആസ്ഥാനം. !! 

മരണാനന്തര ജീവിതത്തിലും ഈ തർക്കം നിലനിൽക്കുമായിരിക്കും

വിവാഹ ചടങ്ങുകൾ കഴിഞ്ഞ് ജനങ്ങൾ പുറത്തു വന്നു . 

പരിചയം പുതുക്കുന്നതിനുള്ള സമയമാണിത് .   

ചെറിയ ചെറിയ കൂട്ടങ്ങൾ രൂപം കൊള്ളുന്നു . മാറി നിന്ന് കൂട്ടങ്ങളെ നിരീക്ഷിച്ചു . 

സമ്പത്ത്, വസ്ത്രം, കുടുംബ മഹിമ ,നിറം, പ്രായം, ലിംഗഭേദം എന്നിങ്ങനെ 

ഒട്ടേറെ അടിസ്ഥാനത്തിൽ കൂട്ടങ്ങളെ ഒറ്റ നോട്ടത്തിൽ തരം തിരിക്കാം.. 

ഒരു കത്തനാരുടെ നേതൃത്വത്തിലുള്ള  സംഘം ശ്രദ്ധയിൽ പെട്ടു. 

കത്തനാർ നല്ല ഫോമിലാണ്, ആണും പെണ്ണും കൂട്ടത്തിലുണ്ട്. 

കുറച്ചുകൂടി അടുത്തു നിന്നപ്പോൾ ഒരു കൗതുകം എന്റെ  കൂടെക്കൂടി . 

കത്തനാർ മുടിയും താടിയും ഡൈ ചെയ്തിരിക്കുന്നു.          !!!!!!!!!!!!!!!!????? 

ആത്മീയതയും ഭൗതീകതയും ഇഴ ചേരുന്ന  തർക്കമില്ലാ സ്ഥലം താടിയായി മാറിയൊ. 

ആത്മീയത എല്ലാ ഭൗതീകതയേയും നിരസിക്കുന്നതാണ്. 

തുന്നലില്ലാത്ത വസ്ത്രം ധരിച്ചുനടന്നിരുന്ന യേശുവിന്റെ അനുയായികൾ 

ഇന്ന് നരച്ച തന്റെ ഭൗതീക ശരീര ഭാഗം കറുപ്പിക്കുവാൻ   

ശാസ്ത്രത്തിന്റെ വഴികൾ തിരഞ്ഞെടുക്കുന്നു . 

ശാസ്ത്രമാകട്ടെ ഭൗതീകതയുടെ അടിസ്ഥാനവും. 

ഇത് തമ്മിലെങ്ങനെ പൊരുത്തപ്പെടും. 
ഭൗതീകത നിരസിച്ച് ആത്മീയത തെരഞ്ഞെടുത്തവർക്ക് 
ഇതിന്റെ ആവശ്യകത എന്താണെന്ന് എത്ര ആലോചിച്ചിട്ടും പിടികിട്ടിയില്ല

നീണ്ടകാലത്തെ അദ്ധ്യാപക ജീവിതത്തിൽ നിന്ന് 

വിരമിച്ചിട്ട് വർഷങ്ങൾ കഴിഞ്ഞ ഒരു കന്യാസ്ത്രി കഴിഞ്ഞ ദിവസം പറഞ്ഞു . 

ഞങ്ങൾ ആത്മീയവാദികൾ ഇപ്പോൾ ഭൗതീകവാദികളായി കഴിഞ്ഞെടോ. 

മുടി മറയ്ക്കുന്ന ശിരോ വസ്ത്രത്തിനുള്ളിലുള്ള വെളുത്ത മുടി 

ഡൈ ചെയ്യുന്നവരുമുണ്ട് ഞങ്ങളിലിപ്പോൾ 

കേട്ടപ്പോൾ വിശ്വസിക്കാൻ അല്പം ബുദ്ധിമുട്ടി. 
ടീച്ചർക്കും ഈ അത്മീയഭൗതീകരെ മനസിലായെന്ന് സാരം

ഭൗതീക വാദികളായ ആത്മീയ വാദികളും 

ആത്മീയ വാദികളായ ഭൗതീക വാദികളും നമ്മുടെ നാട്ടിൽ സുലഭം 

വാൽക്കഷ്ണം  :         ആത്മീയതയും ഭൗതീകതയും വെള്ളം കയറാത്ത അറകളല്ല ഇപ്പോൾ

                            പിന്നെന്തിനിവ രണ്ടായി നിൽക്കണം  
                            അവിടെയും അധികാരവും സമ്പത്തും തന്നെ പ്രശ്നം ???????!!!!!!!!!!!