അവൾ കാത്തിരുന്നു

മരണപ്പിറ്റേന്ന്
അയ്യാൾക്കൊരു കത്തുവന്നു
കാത്തിരുന്നോരു കത്ത്
തുറക്കാനാരുമില്ല വായിക്കാനും
വാക്കുകൾ കടലാസു കീറി
പുറത്തു ചാടി
എന്റെ പൊന്നേ
ഞാൻ സമ്മതിച്ചിരിക്കുന്നു
നമുക്ക് ഒന്നിച്ച് മരിക്കാം
അല്ലെങ്കിൽ ഒളിച്ചോടാം
ഒളിച്ചോട്ടം ഒരു മരണമാണെന്നും
മരണമൊരു ഒളിച്ചോട്ടമാണെന്നും
ആരും പറഞ്ഞില്ല
അവൾ കാത്തിരുന്നു
മറുപടിക്കായി
ഒളിച്ചോടാനാകതെ
മറ്റൊരുവന്റെ ഭാര്യയായ്