കലാധരൻ മാഷിന് നന്ദി
ഒരു സര്‍ഗാത്മക വിദ്യാലയം ലക്ഷ്യമിടുന്ന അധ്യാപകർ മനസ്സിൽ എഴുതേണ്ട ചില കാര്യങ്ങൾ ഉണ്ട് .
എനിക്കും എന്റെ വിദ്യാർത്ഥികള്‍ക്കും സഹപ്രവര്‍ത്തകര്‍ക്കും
സര്‍ഗാത്മക ചിന്താ നൈപുണികൾ ഇനിയും വികസിപ്പിക്കണം
എന്തെല്ലാമാണ് പരിഗണിക്കേണ്ടത്
- പുതിയ ആശയങ്ങള്‍ ഉല്‍പ്പാദിപ്പിക്കാനുള്ള കഴിവ്
- നിലവിലുള്ള ആശയങ്ങളെ വിപുലപ്പെടുത്താനുള്ള ശേഷി
- പരികല്പനകള്‍ രൂപീകരിച്ചു പ്രവര്‍ത്തിക്കുന്നതിനുള്ള കഴിവ്
- ഭാവനയില്‍ കാണാന്‍ കഴിയുക
- ബദലുകൾ അന്വേഷിക്കാനുള്ള സന്നദ്ധത
- വേറിട്ട്‌ കാണാനുള്ള ശ്രമം
- ഓരോ കാര്യത്തിലും നൂതനത്വം വരുത്താനുള്ള ഇടപെടൽ ചിന്ത
- സഹപ്രവർത്തകരെ ഉത്തേജിപ്പിക്കാനും ആത്മവിശ്വാസം കൊടുക്കുവാനുമുള്ള കഴിവ്
- രക്ഷിതാക്കളിൽ കഴിവുള്ളവരെ കൂടെ നിർത്തുവാനുള്ള കഴിവ്
- സർവതല സ്പർശിയായ സമീപന രീതി
ഇവയൊക്കെ ആയാൽ സ്വാഭാവികമായും നിങ്ങളും നിങ്ങളുടെ വിദ്യാലയവും സര്‍ഗാത്മകം ആകും
അധ്യാപകർ പഠിതാക്കളും അന്വേഷകരും ആകണം
സൂക്ഷ്മ നിരീക്ഷണ വൈഭവം ആര്‍ജിക്കണം
- നിങ്ങളുടെ സ്കൂളിൽ കുട്ടികള്‍ക്ക് സ്വയം പഠന പ്രവര്‍ത്തനം തെരഞ്ഞെടുക്കാന്‍ അവകാശം ഉണ്ടോ ?
- പ്രോജക്റ്റ് രീതിയിൽ എല്ലാ പ്രവര്‍ത്തനങ്ങളെയും കാണാന്‍ കഴിയുമോ ?
- തുറന്ന ചോദ്യങ്ങളുടെ ഒരു പൂമഴ ക്ലാസിൽ പെയ്യിക്കുമോ?
- സംവാദ സദസ്സുകൾ ഒരുക്കുമോ ?
- ചൂരൽ വേണമെന്ന് പറയുന്ന രക്ഷിതാക്കളെ തിരുത്താൻ നമുക്കാവുമൊ
സർഗത്മക വിദ്യാലയത്തിൽ അധ്യാപകർ
- കുട്ടികളുമായി ആരോഗ്യകരമായ ചെങ്ങത്തം ഉണ്ടാക്കും
- വീട് പോലെ വിദ്യാലയവും എന്ന സമീപനം
- യാഥാസ്ഥിതിക അധ്യാപന ചിന്തകളില്‍ കുടുങ്ങിക്കിടക്കില്ല
- തടസ്സങ്ങളെ തകര്‍ക്കലാണ് സര്‍ഗാത്മകം എന്ന് വിശ്വസിക്കും
- വെല്ലുവിളി എറ്റെടുക്കലാണ് സുരക്ഷിതത്വത്തിന്റെ ആമത്തോടിനുള്ളില്‍ കഴിയുന്നതിനേക്കാൾ കേമം എന്ന് കരുതും
- വിമര്‍ശനാവബോധത്തെ പണയം വെക്കില്ല
- അത് കുട്ടികളുടെയും അവകാശവും ആണെന്ന് ബോധ്യപ്പെടുത്തും
- സജീവ പഠനം എന്നതിന് നിരവധി തെളിവുകൾ രോപ്പപ്പെടുത്തും
- പരാതിയും പരിഭവവും ആക്ഷേപവും കൊണ്ട് നേരം കളയില്ല .
- കുട്ടികളും അധ്യാപരും പരസ്പരം ബഹുമാനിതരാകുന്ന മുഹൂർത്തങ്ങൾ കാംക്ഷിക്കും
സാർഗാത്മക
വിദ്യാലയത്തിൽ രക്ഷിതാക്കൾ
- വീടിനെ ജനാധിപത്യവൽക്കരിക്കൽ
- പരസ്പര ബഹുമാനത്തോടെ മറ്റുള്ളവരെ കാണുവാനുള്ള ശേഷി വളർത്തൽ
- കുട്ടിയെ മറ്റൊരു കുട്ടിയുമായി താരതമ്യം ചെയ്യാതിരിക്കൽ
- ശത്രുതയില്ലാതെ ആരോഗ്യകരമായ മത്സരബുദ്ധി വളർത്തൽ
- ഞാൻ ചെയ്തു തരാം എന്നല്ലതെ നിനക്കതിന് കഴിവുണ്ട് എന്ന് ബോധ്യമാക്കൽ
- ഞാൻ വായിച്ച ഇന്ന പുസ്തകത്തിൽ അത് പറഞ്ഞിട്ടുണ്ട് എന്ന് പറഞ്ഞ് കുട്ടിയെ വായനയിലേക്കടുപ്പിക്കൽ
- അഛനും അമ്മയും കുട്ടിയുടെ ഏറ്റവും അടുത്ത സുഹൃത്ത്
- വീട്ടിലെ ജനാധിപത്യ ചർച്ചകളിൽ അവരേക്കൂടി പങ്കാളിയാക്കൽ
- ക്ലാസ് പിടിഎ കളിൽ അഛനുമമ്മയും ഒന്നിച്ചു പോകൽ
- ചർച്ചകളിൽ സജീവമായ പങ്കാളിത്തം
- സ്വന്തം കുട്ടിയുടെ പ്രശ്നങ്ങൾ മാത്രം ചർച്ചിക്കാതെ
- ക്ലാസിലെ പൊതു പ്രശ്നം ചർച്ച ചെയ്യൽ എല്ലാ അധ്യാപകരുമായും സൗഹൃദം സ്ഥാപിക്കൽ
- അരുതുകൾ കൊണ്ടുണ്ടാക്കുന്ന മതിൽക്കെട്ടിനെ തകർക്കൽ
- തെറ്റു തിരുത്താൻ ശരിയെന്തെന്ന് പറഞ്ഞു കൊടുക്കൽ
- കുട്ടികളല്ല മുതിർന്നവരാണെന്ന ബോധത്തോടെ പെരുമാറാൻ തയ്യാറാകൽ
- വീട്ടിലെ ചർച്ചകളിൽ ക്രിയാത്മക ചിന്തകൾക്ക് സ്ഥാനം ഉറപ്പാക്കൽ
- കുട്ടിയുടെ കൂട്ടുകാരെയും അവരുടെ വീട്ടുകാരെയും സുഹൃത്തുക്കളാക്കൽ
- സംശയവുമായി വരുന്ന കുട്ടിയെ നിരാശപ്പെടുത്താതിരിക്കൽ
- എല്ലാത്തിലുമുപരിയായി സ്വയം മാതൃകയാകൽ
- ഇനിയും............ ഇനിയും.............ചർച്ച ....തുടരട്ടെ
No comments:
Post a Comment