ജീവൻ വേണേൽ പിടിച്ചിരി.

വീണു പോയ ഇല പറയുവതെന്താവും
വീഴ്ച്ചയുടെ ആഘാതമൊ ഇലയുടെ പഴുപ്പൊ.
പഴുത്ത പതനത്തിൽ പച്ച നാവടക്കി
പത്തി വിടർന്നഹങ്കാരമെന്നായാലൊ.
ഒഴുക്കിന്റെ താളത്തിൽ   പോകുമ്പോൾ
കൂട്ടിനെത്തിയ ഉറുമ്പ് ഇലയോട് ചോദിച്ചു.
മണ്ണാങ്കട്ടയിനി കാശിക്ക്  പോകുമൊ ?

കാശിന് കൊള്ളാത്തവകാശിയും
പൂശക്ക് കൊള്ളാത്ത പൂപ്പൂശാരിയും
ഓസിന് ഓസുന്ന ഓസാനും
പച്ചക്ക് തിന്നുന്ന പതിരിയും
മിഥുനത്തിൽ പെയ്ത ഇടവപ്പാതിയും

പോയി തുലയട്ടെ തുലഞ്ഞുലയട്ടെ
ജീവൻ വേണേൽ  പിടിച്ചിരി.