CBSE ക്കാരും ഏകജാലകവും കേരള സിലബസ്സും

            

ഇത്തവണത്തെ +1 അഡ്മിഷൻ അലോട്ട്മെന്റ് ആരംഭിച്ചിരിക്കയാണാല്ലൊ.

സ്റ്റേറ്റ് സിലബസ്സും സിബിഎസ് ഇ സിലബസ്സും  
ഒരു പോലെ ആദ്യത്തെ അലോട്ട്മെന്റിന് അർഹരാണിത്തവണ . 
വളരെ നല്ല കാര്യം . പന്തിയിൽ പക്ഷഭേദം പാടില്ലല്ലോ.  
എന്നാൽ കാര്യങ്ങളുടെ പോക്ക് പക്ഷഭേദമില്ലാതെയാണെന്ന് 
തീർത്തു പറയാനാകാത്ത അവസ്ഥയാണുള്ളത്

ചില കാര്യങ്ങൾ പരിശോധിക്കപ്പെടേണ്ടതുണ്ട്
 

•  ഇന്ത്യയിലെ ഏറ്റവും സുസജ്ജമായി നടത്തുന്ന പൊതു പരീക്ഷയാണ് കേരള SSLC                 
• ചോദ്യങ്ങൾ കേന്ദ്രീകൃതമായി നിർമ്മിച്ച് നൽകുന്നു

•        ചോർന്നുപോകാൻ സാധിക്കാത്തവിധം പഴുതുകളടച്ച് അച്ചടിക്കുന്നു

•  അതാതു സ്ഥലത്തെ ട്രഷറികളിൽ സൂക്ഷിച്ച് പരീക്ഷാദിവസം സ്കൂളുകളിൽ           എത്തിക്കുന്നു
•  മറ്റു സ്കൂളുകളിൽ നിന്ന് വരുന്ന അധ്യാപകർ പരീക്ഷാ നടത്തുന്നു
•   അന്നു തന്നെ ബന്ധപ്പെട്ട ഇടങ്ങളിലേക്ക് സീൽ ചെയ്ത് ഉത്തരക്കടലാസുകൾ     അയക്കുന്നു 
•  സെൻട്രലൈസ്ഡ് വാല്യുവേഷൻ ക്യാമ്പിലൂടെ പരിശോധിക്കുന്നു
•  A+A,B+B,C+C,D+D ഈ ഗ്രേഡുകൾ കൊടുത്ത് D+ ഉം അതിനും മുകളിൽ               ഉള്ളവർ വിജയിച്ചതായി പ്രഖ്യാപിക്കുന്നു 
•   A+= 90 ന് മുകളിൽ A= 80 B+=70 B=60 എന്നിങ്ങനെ പോകുന്നു                      ഗ്രേഡുകൾ              
•   20% മാർക്ക് CE അഥവാ തുടർച്ചയായ പരിശോധനയിലൂടെ ലഭിക്കുന്നു
•     ബാക്കി മാർക്കുകൾ എഴുത്തുപരീക്ഷയിലൂടെയും
•   കേരള സർക്കാർ പരീക്ഷാ ബോർഡ് സർട്ടിഫിക്കറ്റുകൾ നൽകുന്നു. 
  
  
  
  ഇനി CBSE യുടെ നടത്തിപ്പെങ്ങനെയെന്ന് പരിശോധിക്കാം 
  
  
  
  
  • പരീക്ഷ അതാതു സ്കൂളുകളുടെ നിയന്ത്രണത്തിൽ നടക്കുന്നു             ഇത്തവണ കുറച്ച് കേന്ദ്രീകൃതമായും നടന്നിട്ടുണ്ട് .അടുത്തവർഷം മുതൽ അതും  ഇല്ലാതാവും          
  • ഏകീകൃത ചൊദ്യ പേപ്പറില്ല  അതാത് സ്കൂളിൽ ചോദ്യങ്ങൾ നിശ്ചയിക്കുന്നു    പരീക്ഷയുടെ നടത്തിപ്പ് അതേ സ്കൂളിലെ അധ്യാപകർക്ക്         വാല്യുവേഷൻ അതേ അധ്യാപകർ നടത്തുന്നു (ഒരു ക്ലാസ് പരീക്ഷയേക്കാൾ  എന്ത്  മഹത്വമാണിതിനുള്ളതെന്ന് മനസ്സിലാകുന്നില്ല)                
  • വിഷയങ്ങൾ 6 എണ്ണമാക്കി പരിമിതപ്പെടുത്തിയിരിക്കുന്നു            
  • A1 A2,B1 B2, C1 C2, D1 D2 എന്നിങ്ങനെ തരം തിരിച്ചിരിട്ടുണ്ട്
  • CE യ്കാകട്ടെ 40% മാർക്കും.   
  • ലഭിച്ച ഗ്രേഡിന്റെ   കൂടെ ചില * ചിഹ്നങ്ങൾ കാണാറുണ്ട് . 
  • ഇതിന്റെ അർത്ഥം     ഈ    കുട്ടിക്ക് A1ആണ് ഉള്ളതെങ്കിൽ യഥാർത്ഥത്തിൽ A2 വിനാണ്     അർഹതയുള്ളതെന്നും A1കിട്ടിയത് ചില മോഡറേഷനിലൂടെ   ആണെന്നുമാണ്.  ഒരു തരം ഇരട്ടമോഡറേഷൻ 
  • ഇതാകട്ടെ സ്വന്തം സ്കൂൾ അധികാരികളുടെ വിവേചനാധികാരവും
  • * ചിഹ്നമില്ലാത്തവരാണെങ്കിൽ അവർ യഥാർത്ഥത്തിൽ A1 വാങ്ങിയവരാണെന്ന് സാരം.
  • ഇവിടെ മറ്റൊരു പ്രധാനപ്പെട്ട കാര്യം കാണാം .4A1,1A1* ഒരു കുട്ടിക്ക്      ലഭിച്ചാൽ  ആ കുട്ടിക്ക് ശരാശരി 88% മാർക്കണ് സ്കോറെന്നുള്ളത്       എന്നാൽ 9A+ഉം 1Aയും കിട്ടിയ കുട്ടിക്ക് 89% മാർക്കായാണ് പരിഗണിക്കുന്നത്  
  • എന്നാൽ ആദ്യം പറഞ്ഞ കുട്ടിക്ക് യഥാർത്ഥത്തിൽ കിട്ടുന്നതാകട്ടെ 90% വും   ഇത് ഒരു കാരണവശാലും നീതീകരിക്കത്തക്കതല്ല. 
  • A1*രണ്ടെണ്ണം ഉണ്ടെങ്കിൽ ചിത്രം ഇതിലും അപ്പുറമാണ്. കുട്ടി നേടുന്നത്     90%വും നേടേണ്ടത് 86%വുമാണെന്ന് കാണാം
  • ഇപ്പോഴത്തെ അവസ്ഥയിൽ 9A+ 1A യുള്ള കുട്ടികൾ ഒന്നിലധികം വന്നാൽ ടൈ വാല്യു കണക്കാക്കുന്നത് 32 ഡെസിമൽ ഡിജിറ്റിനപ്പുറമാണ് . 
  • അതായത് മുകളിൽ പറഞ്ഞ വ്യത്യാസം നിമിത്തം വലിയോരു പങ്ക് കുട്ടികളുടെ ഭാവിയെ, ഈ അശാസ്ത്രീയത കൊണ്ട്, എത്രത്തോളം ക്രൂരമായി ബാധിക്കുമെന്ന് കാണാവുന്നതാണ് 
  
  ചുരുക്കിപ്പറഞ്ഞാൽ പണമുള്ളവൻ പണം കൊടുത്ത് പഠിപ്പിക്കുന്ന CBSE ക്കാർ ഇവിടെയും മേൽക്കൈ നേടുന്നതായി കാണാം .   
  കേരളാ സിലബസ്സിൽ പഠിച്ച കുട്ടികളിൽ 10A+കാരായ ഒന്നാം നിരക്കാർ വലിയ കുഴപ്പമില്ലതെ രക്ഷപ്പെടും . 
  9A+ന് താഴെയുള്ളവർ +1 അലോട്ട്മെന്റിൽ താഴേക്ക് പറിച്ചെറിയപ്പെടും . 
  ഇത് ഭരണഘടന ഉറപ്പാക്കുന്ന പൗരാവകാശം സ്ഥിതി സമത്വം എന്നിവയുടെ ധ്വംസനമാണ്, അങ്ങേയറ്റം പ്രതിഷേധാർഹവുമാണ്..  
  നിർഭാഗ്യവശാൽ പത്രങ്ങളോ ചാനലുകളോ ഈവിഷയം കണ്ടതായി തോണുന്നില്ല .  അവർ TP യിലും  TK യിലും കുടുങ്ങിക്കിടക്കുകയോ കുടുക്കിയിടുകയോ ചെയ്തിരിക്കയാണ്.   
  കേരള സമൂഹം ഈവിഷയം ഏറ്റെടുത്ത് ശക്തമായ പ്രക്ഷോഭ സമര പരിപാടിയിലേക്ക് അടിയന്തിരമായി ഇറങ്ങേണ്ടതുണ്ട്.   
  പുരോഗമന രാഷ്ടീയ പ്രസ്ഥാനങ്ങളും വിദ്യാർത്ഥി സംഘടനകളും മറ്റു ശാസ്ത്രസംഘടനക്കളും ഈ വിഷയം അടിയന്തിരമായി ഏറ്റെടുക്കണം.