റഷ്യയിൽ മഴ പെയ്താൽ

തങ്ങൾ എന്തിനു വേണ്ടിയിട്ടാണ് 

ഒന്നാം യു പി എ സർക്കാരിൽ നിന്ന് വിട്ടു പോന്നത് എന്ന് 

തീർത്തു പറയാൻ ഇപ്പോഴും സി പി എം ഇരുട്ടിൽ തപ്പുകയാണ് . 

കൂടം കുളം  വിഷയത്തിൽ എടുത്ത നില പാട് 

ഇതേവരെ പാർട്ടിയുടെ കേരള ഘടകം പറഞ്ഞിട്ടില്ല . 

ഇക്കാര്യത്തിൽ അച്ചുതാനന്തൻ എന്തോ വലിയ അപരാധം 

ചെയതതിന്റെ കണ്ടു പിടുത്തത്തിലായിരുന്നല്ലോ നാളിതു വരെ . 

ഇനിയെങ്കിലും കാര്യം പറയണം . 

സ്വന്തം നിലയിൽ പറയാൻ കഴിയാഞ്ഞിട്ടാണോ

വിദൂഷക വേഷം കെട്ടിച്ച് വി ബി ചെറിയാനേപ്പോലുള്ള 

ഒരാളെ കളത്തിലിറക്കിയത് . 

അണു നിലയങ്ങൾ  ഇപ്പോഴത്തെ അവസ്ഥയിൽ അപകടകാരിയാണെന്ന് 

പറയാൻ ഇനി പാഴൂർ പടിക്കൽ പോകേണ്ടതുണ്ടൊ .   

സുപ്രീം കോടതി ചോദിച്ചതും അതു തന്നെയാണ് . 

ആണവ മാലിന്യം എന്തു ചെയ്യും . 

അപകടമുണ്ടായാൽ ആരാണുത്തവാദി .

നഷ്ടപരിഹാരം ആരു കൊടുക്കും 

(വാങ്ങാൻ ആ പാവങ്ങൾ ജീവിച്ചിരിക്കില്ലല്ലൊ. ഭോപ്പാലും ഓർക്കണം ) 

പ്രകൃതിക്കു പറ്റുന്ന പരുക്ക് ആർ പരിഹരിക്കും . 

അപകടാനന്തരം ചെർണ്ണോബിൽ മുടക്കുന്നത് പോലെ 

പണം മുടക്കാൻ നമ്മുടെ സാമ്പത്തിക സ്ഥിതി അനുവദിക്കുമൊ . 

( ഉക്രൈൻ അവരുടെ ബഡ്ജറ്റിന്റെ 8 %  

ഈ ആവശ്യത്തിനായിട്ടാണ് മാറ്റിവച്ചിരിക്കുന്നത് . 

ഇന്ത്യ വിദ്യാഭ്യാസത്തിന്നായി  മാറ്റി വെയ്ക്കുന്ന തുകയും ഇത്ര തന്നെയാണ് ) 

റഷ്യൻ ടെക്നോളജിയായതുകൊണ്ട് അപകടമുണ്ടാവില്ലെന്ന് 

വാദിക്കുന്നതിന്റെ സാംഗത്യം മനസ്സിലാകുന്നില്ല . 

ആണവ വികിരണത്തിന് റഷ്യയും അമേരിക്കയുമുണ്ടൊ.

ഇടതും വലതുമുണ്ടൊ.   

റഷ്യയിൽ മഴപെയ്താൽ നാം ഇപ്പോഴുമിവിടെ കുട പിടിക്കണൊ ?